VOS QUE·M SEMBLATZ DELS CORALS AMADORS

Vos que·m semblatz dels corals amadors,

ja non volgra que fossetz tan doptanz;

e platz mi molt quar vos destreing m'amors,

qu'autressi sui eu per voz malananz.

Ez avetz dan en vostre vulpillatge;

quar no·us ausatz de preiar enardir,

e faitz a vos ez a mi gran dampnatge,

que ges dompna non ausa descobrir

tot so qu'il vol per paor de faillir.

Bona dompna, vostr'onrada valors

mi fai temeros estar, tan es granz,

e no·m o tol negun'autra paors

qu'eu non vos prec; que·us voldria enanz

tan gen servir que non fezes oltratge,

-qu'aissi·m sai eu de preiar enardir-

e voldria que·l faich fosson messatge

e presessetz en loc de precs servir,

qu'us honratz faiz deu be valer un dir.

Garsenda.

Comentari:

La trobairitz estima un home, i encara que sospita que el seu amor és correspost, no ho sap segur, per això el culpa del torment que està causant en els dos. Per altra banda, el seu enamorat li confessa els seus sentiments, diu que calla però que desitja servir-la, i que li demostrarà el que sent amb fets, no amb paraules.

Júlia Llauradó